ချင်းအမျိုးသားနေ့ ဖြစ်ပေါ်လာပုံ သမိုင်း

ချင်းအမျိုးသားနေ့ ဖြစ်ပေါ်လာပုံ သမိုင်း

ချင်းအမျိုးသားနေ့ ဖေဖော်ဝါရီလ ၂၀ ရက်နေ့နှင့် ထူးထူးခြားခြား တိုက်ဆိုင်ခဲ့သည့်နေ့စွဲများ..... နယ်ချဲ့ အစိုးရတို့လက်အောက် ကျရောက်ပြီး နှစ်ကာလ ကြာလာသည်နှင့်အမျှ ခေတ်ပညာတတ် ချင်းတိုင်းရင်းသားလူငယ်အချို့တို့သည် ဗြိတိသျှအမှုထမ်းများအဖြစ် ၀င်ရောက်လုပ်ကိုင်လာကြသည်။ထို့ကြောင့် ဗြိတိသျှစစ်တပ်သည် အနယ်နယ်အရပ်ရပ်မှ ချင်းတိုင်းရင်းသားတို့၏စုံစည်းရာ နေရာဖြစ်လာသည်။မကြာခဏအစည်...းအဝေးလုပ်များပြုလုပ်ကာ ခေတ်ပညာတတ်ရေးသည် အရေးကြီးကြောင်းဆွေးနွေးလာကြသည်။ သို့ဖြင့် ချင်းအမျိုးသားများ၏ ပထမဆုံး လူမှုရေးအဖွဲ့အစည်းဖြစ်သည့်.... " ချင်းအမျိုးသားများ ပညာမြှင့်တင်ရေးအဖွဲ့ " ကို မေမြို့ နှင့် မန္တလေးမြို့ စစ်တပ်တွင် အမှုထမ်းကြသည့်ချင်းအမျိုးသားများက ၁၉၁၈ ဖေဖော်ဝါရီ ၂၀ တွင် စတင်ဖွဲ့စည်းခဲ့ကြသည်။ ထို့နောက် ၁၉၂၇တွင် ခေတ်ပညာတတ်မျိုးချစ်ဦးဝမ္မသူးမောင်းက ခေတ်ပညာအခြေခံရှိသောချင်းအမျိုးသားလူငယ်များအား စည်းရုံးကာ ၁၉၂၈ ဖေဖော်ဝါရီ ၂၀ တွင် ချင်းအမျိုးသားမျာ၏ ပထမဆုံးနိုင်ငံရေးအဖွဲ့အစည်းဖြစ်သည့် " ချင်းတောင်ညီညွတ်ရေးအဖွဲ့ " ကို ဖွဲ့စည်းခဲ့ကြသည်။ ယင်းအဖွဲ့အစည်းအား ချင်းတိုင်းရင်းသားဓလေ့ထုံးတမ်းနှင့်အညီ နွားနောက် ( ၁၀ ) ကောင်ဖြင့် ခေါင်ပွဲ ကျင်းပကာ ခေါင်းဆောင်အားလုံးမှ ရည်မှန်းချက်များ အောင်မြင်ရန်အလို့ငှာ သစ္စာဖွဲ့ရည် သောက်ကာ ဖွဲ့စည်းခဲ့ကြခြင်းဖြစ်လေသည်။ထို့နောက် ချင်းတိုင်းရင်းသားတစ်မျိုးသားလုံးအား ကိုယ်စားပြုစေရန် ရည်ရွယ်၍ ချင်းတောင်ညီညွတ်ရေးအဖွဲ့အား " ချင်းအမျိုးသားများညီညွတ်ရေး အဖွဲ့ " ကို ဖွဲ့စည်းခဲ့သည်။ ယင်းအဖွဲ့၏ ဒုတိယအကြိမ်မြောက်ညီလာခံတွင် နယ်ချဲ့အင်္ဂလိပ်အစိုးရအဖွဲ့အား အချက် ၉ ချက်ပါ ရာဇသံတစ်စောင်ပေးပို့ခဲ့သည်။ .................... ၁။ ချင်းတောင်တန်းအုပ်ချုပ်ရေးကို ပြည်မဒေသနှင့် တန်းတူ အခွင့်အရေးပေးရန် ၂။ ချင်းတောင်အုပ်ချုပ်ရေးတွင် ချင်းအမျိုးသားကိုယ်စားလှယ်များပါဝင်ရေးဆွဲသော ဥပဒေသာ ကျင့်သုံးရန် ၃။ ပညာရေး ကျန်းမာရေး စီးပွားရေး နှင့် လူမှုရေးများ ကဏ္ဍအလိုက် ဖွဲ့ဖြိုးတိုးတက်စေရန် ပြုပြင်ဆောင်ရွက်ပေးရန် ၄။ ချင်းတောင်ပညာရေးစနစ်ကို အမြန်ဆုံး ပြုပြင်ဆောင်ရွက်ပေးရန် ( အင်္ဂလိပ်စာအပြင် မြန်မာစာပါ သင်ကြားခွင့်ပြုရန် ) ၅။ ဘာသာရေးလွတ်လပ်ခွင့်ပေးရန် ၆။ ချင်းတောင်လမ်းပန်းဆက်သွယ်ရေး ကောင်းမွန်စေရန် လမ်းများ အမြန်ဆုံး ဖောက်လုပ်ပေးရန် ၇။ ပြည်မနှင့် ချင်တောင်ဒေသ လွတ်လပ်စွာကူးလူးဆက်ဆံခွင့်ပြုရန် ၈။ ချင်းလူမျိုးတို့အား မည်သည့်လူမျိုးနှင့်မဆို တန်းတူရည်တူ ဆက်ဆံခွင့်ပေးရန် ၉။ မြန်မာနိုင်ငံကို လွတ်လပ်ရေးပေးသောအခါ ချင်းတောင်ကိုပါ တစ်ပါတည်းလွတ်လပ်ရေးပေးရန်........တို့ဖြစ်သည်။ အထက်ပါ အကြောင်းအရာပါ ၉ ချက်နှင့်ပတ်သက်၍ အင်္ဂလိပ်အစိုးရက ၁၉၃၈ ဖေဖော်ဝါရီ ၂၀ ရက်နေ့တွင်ကန်ပက်လက်၌ တွေ့ဆုံဆွေးနွေးရန် ချင်းအမျိုးသားများ ညီညွတ်ရေး အဖွဲ့သို့ အကြောင်းကြာစာပို့ခဲ့သည်။ ထိုနေ့တွင်အင်္ဂလိပ်ကိုယ်စားလှယ်တော်များ အဖြစ် မကွေးတိုင်း ၀န်ရှင်တော်မင်းကြီး Mr. Mecraken၊ ဖလမ်းခရိုင်ဝန် Mr. Nila ကန်ပက်လက် နယ်ပိုင်ဝန်ထောက် Mr. Phoonyo တို့ခေါင်းဆောင်သော ပုလ်ိပ်နှင့် အမှုထမ်း ၃၀၀ ကျော်တက်ရောက်ကြသည်။ယင်းအစည်းအဝေး၌ တိုင်းမင်းကြီးမှ အင်္ဂလိပ်အစိုးရမှ တောင်းဆိုချက်ကိုးရပ်စလုံးအား မလိုက်လျောနိုင်ကြောင်း၊ ထို့အပြင်ချင်းခေါင်းဆောင်များ နိုင်ငံရေးမလုပ်၊ အတိုက်အခံမလုပ်ဘဲ အစိုးရပေးသော ရထူးများအား လက်ခံကြရန် နှင့် အစိုးရကို ဆန့်ကျင်ပါကဖမ်းဆီးထောင်ချ ပြစ်ဒဏ်ပေးခြင်းခံရမည်ဟု ခြိမ်းခြောက်ပြောဆိုရာ တက်ရောက်လာကြသော ချင်းတိုင်းရင်းသားလူထုကြီး အယောက် ၃၀၀၀ ခန့်မှ လက်သီးလက်မောင်းတန်းလျက် " နယ်ချဲ့အစိုးရ အလိုမရှိ ထွက်သွား " ဟု ကြွေးကြော်ကာ သပ်ိတ်မှောက် ဆန္ဒပြကြလေသည်။ အင်္ဂလိပ်အစိုးရခန့်ထားသော တိုက်သူကြီး ၃၆ ဦးကလည်း ယင်းတို့၏အလုပ်ခန့်စာများပြန်အပ်ကာ နုတ်ထွက် ဆန္ဒပြကြလေသည်။ နယ်ချဲ့အစိုးရ ကိုယ်စားလှယ်များညတွင်းချင်း ဆောမြို့သို့ ပြန်လည်ထွက်ပြေးကြရလေသည်။ ၁၉၄၈ ဖေဖော်ဝါရီ ၁၉ မှ ၂၂ ရက်နေ့အထိ ချင်းဝိသေသလုံးဆိုင်ရာ ညီလာခံ ကျင်းပသည်။ထိုညီလာခံတွင်တင်သွင်းသောအဆို နှင့် ဆုံးဖြတ်ချက်များစွာတို့အနက် ဖေဖော်ဝါရီ ၂၀ ရက်နေ့တွင် တီးတိန်မြို့မှဦးထောင်ဇကိုင်း မှ " လူထုဆန္ဒနှင့် အညီ ဒီမိုကရေစီ စနစ်ကျကျ အုပ်ချုပ်ရန် ၊ အင်္ဂလိပ်လက်ထက် ခန့်ထားသော တိုက်သူကြီးများအား ဖြုတ်ချရန်လိုကြောင်း၊ ယင်းတိုက်သူကြီးများသည် မိမိတို့ဆန္ဒအလျောက် လူခွန် ကောက်ပဲသီးနှံခွန်၊ အမဲခွန် တို့အား အာဏာဖြင့် မတရားသဖြင့်ကောက်ခံလျက်ရှိကြောင်း၊ ၄င်းတို့အား ဖြုတ်ချ၍ လူထုကိုယ်စားလှယ်စားလှယ်များပါဝင်သည့်ကောင်စီဖြင့် အုပ်ချုပ်သင့်ကြောင်း၊ အာဏာရှင်စနစ်ဖျက်သိမ်း၍ ဒီမိုကရေစီစနစ်ကျသောစနစ်ဖော်ဆောင်ရန် " အဆိုတင်သွင်းရာ သဘာပတိ ဦးဝမ္မသူးမောင်းမှ မဲခွဲဆုံးဖြတ်ရာ ထောက်ခံသူ ငါးထောင်ကျော်ခန့်ရှိ၍ ကန့်ကွက်သူ၁၇ ယောက်သာ ရှိသဖြင့်ယင်းအဆိုကို အတည်ပြုခဲ့သည်။ ၁၉၅၀ အောက်တိုဘာ ၉ ရက်နေ့တွင် " ချင်းအမျိုးသားနေ့ သတ်မှတ်ရေး " အစည်းအဝေးကို ကျင်းပခဲ့သည်။ ယင်းအစည်းအဝေးမှနယ်ချဲ့တော်လှန်ရေး သမိုင်းစဉ်တလျှောက် ထူးခြားတိုက်ဆိုင်မှု အကြိမ်ကြိမ်ရှိခဲ့သည့် ဖေဖော်ဝါရီ ၂၀ ရက်နေ့အား ချင်းအမျိုးသားနေ့အဖြစ် ရွေးချယ်သတ်မှတ်ရန် တညီတညွတ်တည်း ဆုံးဖြတ်ခဲ့ကြသည်။ ထိုအစည်းအဝေးဆုံးဖြတ်ချက်အတိုင်း ပထမဆုံး ချင်းအမျိုးသားနေ့ကို တောင်ပိုင်းချင်းတောင်ခရိုင် မင်းတပ်တွင် ကျင်းပရာနိုင်ငံတော် ၀န်ကြီးချုပ်ဦးနု တက်ရောက်ခဲ့သည်။ ဤနေ့သည် နယ်ချဲ့တော်လှန်ရေး၊ လွတ်လပ်ရေးတိုက်ပွဲအပြီးသတ်အောင်မြင်သည့်နေ့၊ နယ်ချဲ့ဗျူရိုကရေစီစနစ်ဖျက်သိမ်းပြီး မူလရှိရင်းစွဲ ဒီမိုကရေစီ စနစ်ပြန်လည်ချမှတ်နိုင်သည့်နေ့ တစ်နေ့အဖြစ် သတ်မှတ်ခဲ့ကြသည်။ ချင်းအမျိုးသားနေ့သည် ချင်းပြည်နယ်နေ့ နှင့် လုံးဝမသက်ဆိုင်ပါကြောင်း သို့သော် အခက်အခဲအမျိုးမျိုးတို့ကြောင့် ချင်းပြည်နယ်နေ့ နှင့် ချင်းအမျိုးသားနေ့ပူးတွဲ ကျင်းပခဲ့ရသော နှစ်များလည်း ရှိခဲ့ပေသည်။ ချင်းအမျိုးသားနေ့အား ကျင်းပခွင့်မရခဲ့သော နှစ်များလည်းရှိခဲ့ပေသည်။ ချင်းတုိုင်းရင်းသားများသည် တိုင်းရင်းသားအားလုံးအထဲတွင်လူမျိုးခွဲ အများဆုံးသော လူမျိုးဖြစ်သည်မှာ အယူအဆကွဲပြားစရာ အားနည်းချက်တစ်ခုဖြစ်နေသည် ဟု ကျွန်ုပ်ယူဆမိပါသည်။ မည်သို့သော အခက်အခဲများရှိစေကာမူ ချင်းအမျိုးသားတိုင်းသည် " ချင်းအမျိုးသားနေ့သည် မတော်တဆပေါက်ဖွားလာခြင်းမဟုတ်ကြောင်း၊ ကျွန်ုပ်တို့၏ ဘိုးဘေးများ၏ အသက်၊ ရဲစွမ်းသတ္တိ၊ မလျှော့သောဇွဲ၊ စွန့်လွတ်အနှစ်ခံမှု တို့နှင့် ကျောက်သားပမာ ခိုင်ခံ့သောသမိုင်းအစဉ်အလာကောင်းများကြောင့်ပေါ်ပေါက်လာလာခဲ့ခြင်း ကိုလည်း အမြဲမပြတ်ဆင်ခြင်အောက်မေ့ဖို့ရန်လိုကြောင်း ၊ မိမိတို့ရရှိပြီးသော ဒီမိုကရေစီအခွင့်အရေးများလည်း အသက်ပေးကာကွယ်ရမည်ဖြစ်ကြောင်းနောင်အစဉ် ထာဝစဉ် ဥဒါန်းတွင်ရစ်မည့် ချင်းအမျိုးသားနေ့ နေ့ထူးနေ့မြတ်အား မြတ်နိုးထိန်းသိမ်းသွားကြရမည်ဖြစ်ပါသည်။

( ကျနော်သည် ချင်းအမျိုးသားနေ့နှင့် ပတ်သက်၍ သူငယ်ချင်းများသိစေရန် ချင်းအမျိုးသားနေ့ အဖြစ်သတ်မှတ်ခဲ့သည့် ဖေဖော်ဝါရီ ၂၀ ရက်နေ့နှင့် ထူးထူးခြားခြား တိုက်ဆိုင်ခဲ့သည့် အဖြစ်အပျက်များကိုအကျဉ်းချုံး ရေးသားဖော်ပြပေးခြင်းဖြစ်ပါသည်။ သမိုင်းအမှားများ ပါသွားပါက အပြူသဘောဆောင်ကာ ဆွေးနွေးနိုင်ပါသည်။ လေးစားစွာဖြင့်......ကိုချင်းဖေ )